есептеу техникасы

(Вычислительная техника)

математикалық есептеу процестерін автоматтандыруға немесе оңайлатуға арналған құралдар жиынтығы. Е.т-на есептеу машинасы, есептегіш қондырғылар, есептегіш жабдықтар мен құралдар жатады. Олар еңбек көлемін азайтып, математикалық есептерді шешумен байланысты есептеулерді және басқа операцияларды жеделдету мен автоматтандыруға арналған. Есептеулермен қатар қазіргі заманғы Е.т. құралдары қисындық (логикалық) тәуелділіктер мен объектілерді сыртқы сызбаларына қарап тану, анықтамаларды сұрау бойынша автоматты түрде беру үшін қолданылады. Қазіргі заманғы әскери техниканың (әсіресе, авиациялық және ракеталық) дамуы мен оны қолданудың тактикалық тәсілдері әскери істе әр түрлі Е.т. құралдарын қолдануды керек етеді. Олардың ішінде есептеу машинасы маңызды орын алады.